Франция Республикаси Миллий магистратура мактаби (ENM) ва Туркия Адолат академияси делегацияларининг Ҳуқуқни муҳофаза қилиш академиясига ташрифи

Ўзбекистон Республикаси Ҳуқуқни муҳофаза қилиш академияси ташкил этилганининг бир йиллигига бағишланган халқаро конференцияни ўтказиш доирасида Академияга Франция Республикаси Миллий магистратура мактаби (ENM) ҳамда Туркия Адолат академияси делегацияларининг ташрифи ташкил қилинди.

Делегациялар Академия фаолиятининг асосий йўналишлари, ҳуқуқни муҳофаза қилиш органлари ходимларини тайёрлаш, қайта тайёрлаш ва малакасини оширишнинг сифат жиҳатидан янги тизимини жорий этиш ишлари, ўқув жараёнини ташкил этишдаги янгича ёндашув ва методлар, шунингдек криминалистик полигон, киберлаборатория ва бошқа махсус ўқув хоналари билан яқиндан танишдилар.

Ташриф якунлари бўйича томонлар таълим ҳамда илмий-тадқиқот соҳаларида ҳамкорликни ривожлантиришга тайёр эканликларини қайд этиб ўтишди.