Коррупция – миллий хавфсизликка таҳдид

Ўзбекистон Республикаси Президентининг  2017 йил 2 февральдаги “Коррупцияга қарши курашиш тўғрисида”ги Ўзбекистон Республикаси Қонуни қоидаларини амалга ошириш чора-тадбирлари тўғрисида”ги Қарори билан 2017-2018 йилларга мўлжалланган коррупцияга қарши курашиш бўйича давлат дастури тасдиқланди.

Давлат дастурида белгиланган чора-тадбирларни амалга ошириш мақсадида Бош прокуратура Академияси томонидан давлат ходимларининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш борасида бир қатор ишлар амалга оширилмоқда.

Жумладан, Академиянинг Коррупцияга қарши курашиш ва ҳуқуқбузарликлар профилактикаси илмий-таълим маркази ходимлари  мунтазам равишда қайд этилган соҳа бўйича ташкил этаётган семинарлар, давра суҳбатлари ва бошқа тадбирларда иштирок этиб келмоқда.

Хусусан, жорий йилнинг 25 август куни Ўзбекистон матбуот ва ахборот агентлигида ўтказилган “Коррупция – миллий хавфсизликка таҳдид” мавзусида ташкил этилган тадбирда Марказ ходимлари республикамизда коррупцияга қарши курашиш соҳасида амалга оширилаётган чора-тадбирлар, коррупциянинг миллий хавфсизликка таҳдид сифатида олдини олиш, коррупцияга оид ҳуқуқбузарликлар бўйича журналистик текширувни такомиллаштириш ва мазкур соҳада оммавий ахборот воситалари ходимларининг хабардорлигини ошириш юзасидан маъруза билан қатнашишди.

Марказ ходимлари охирги уч ой давомида бир қатор давлат органлари, тижорат банклари ва бошқа таълим муассасаларида, жумладан “O’zstandart” Агентлигининг «Ўзбекистон миллий метрология институти” Давлат корхонаси, Автомобиль йўллари Давлат қўмитаси, “Аcака” АТБ ва унинг Шайхонтоҳур филиали, “Қишлоққурилишбанк” АТБ, Олий ҳарбий божхона институти, Олий аттестация комиссияси, “Нуроний” жамғармаси ва бошқа жойларда ташкил этилган тадбирларда маърузалар билан иштирок этишди.