Ёнғин хавфсизлиги бўйича ўқув-амалий машғулоти ташкил этилди

Ўзбекистон Республикаси ҳуқуқни мухофаза қилиш академиясида Вазирлар Маҳкамасининг 2023 йил 4 августдаги “Ёнгинлар профилактикаси самарадорлиги ошириш ва ёнғин хавфсизлиги соҳасида давлат назоратини такомиллаштириш чора-тадбирлари тўғрисидаги” 332-сонли қарорида кўрсатилган вазифаларни ижросини таъминлаш мақсадида Фавқулодда вазиятлар вазирлиги ходимлари билан ҳамкорликда ўқув-амалий машғулоти ташкил этилди.

Тадбир доирасида Академиянинг барча талабаларига ёнғинларнинг олдини олиш ва ёнғин содир бўлган вазиятда ҳаракат қилиш бўйича назарий билимлар берилди.

Шундан сўнг, тадбир иштирокчиларига ФВВ махсус техникасини жалб қилган ҳолда жамоат жойларида, таълим ташкилотларида, иш жойларида ва турар жой комплексларида ўт ўчириш бўйича амалий машғулотлар ўтказилди.

Тадбир давомида ФВВ мутахассислари талабаларни қизиқтирган саволларга атрофлича жавоб бердилар.