“Вояга етмаганларга нисбатан одил судлов” номли ўқув-амалий қўлланма ишлаб чиқилди

Қўлланма Академия томонидан UNICEFнинг Ўзбекистон Республикасидаги ваколатхонасининг бевосита иштироки ва амалий кўмаги асосида тайёрланди.

Қўлланма материаллари вояга етмаганларга нисбатан одил судлов, вояга етмаганларнинг ҳуқуқ ва эркинликларини ҳимоя қилиш, шу жумладан, вояга етмаган гувоҳ ва жабрланувчиларни ҳимоя қилишга оид миллий қонунчилик, халқаро стандартлар ҳақидаги кенг хажмли маълумотларни ўзида мужассамлаштирган.

Материаллар ҳуқуқни мухофаза қилувчи органлар ходимлари, вояга етмаганлар ишлари бўйича идоралараро комиссияларнинг масъул котиблари иштирокидаги малака ошириш курсларида фойдаланиш учун ишлаб чиқилган бўлиб, ўз навбатида, ундаги маълумотлар фаолияти одил судлов жараёнида вояга етмаганларнинг ҳуқуқлари ва экринликларини ҳимоя қилиш билан боғлиқ бўлган бошқа идора ва муассасаларнинг ходимлари учун ҳам фойдали бўлиши мумкин.

Кенг доирадаги фойдаланувчиларни қамраб олиш мақсадида, қўлланманинг ўзбек ва рус тилларида чоп этилиши кўзда тутилган.