Халқаро илмий-амалий конференция доирасида хорижий ҳамкорлар билан икки томонлама учрашувлар ўтказилди

“Ҳуқуқни муҳофаза қилиш соҳасида юридик таълим ва фан: замонавий тенденциялар ва истиқболлар” мавзусида ўтказилган халқаро илмий-амалий конференция доирасида Ҳуқуқни муҳофаза қилиш академияси ва хорижий давлатлар ҳамкор таълим муассасалари раҳбарларининг бир қатор учрашувлари ташкил қилинди.

Хусусан, икки томонлама учрашувлар доирасида Қозоғистон Республикаси Бош прокуратураси ҳузуридаги Ҳуқуқни муҳофаза қилувчи органлар академияси ректори Марат Сексембаев, Молдова Республикаси Адлия миллий институти директори Екатерина Попа, шунингдек Қирғизистон Республикаси Бош прокуратураси делегацияси раҳбари Алмазбек Киязов билан ҳамкорлик масалалари муҳокама қилинди.

Томонлар ўзаро ҳамкорликнинг юқори даражада ва ўзаро манфаатли амалга оширилишини қайд этиб, икки томонлама ҳамкорликни кенгайтиришнинг устувор йўналишлари бўйича навбатдаги қадамларни белгилаб олдилар.