Жиноятчилик ва ҳуқуқбузарликларнинг олдини олиш бўйича семинар ўтказилди

Ўзбекистон Республикаси Ҳуқуқни муҳофаза қилиш академияси ҳамда Ички ишлар вазирлиги Академияси ходимлари томонидан Самарқанд вилоятининг барча шаҳар ва туманларида “Обод ва хавфсиз маҳалла” тамойили асосида маҳаллаларда жиноятчилик ва ҳуқуқбузарликларнинг олдини олиш, жамоат хавфсизлигини таъминлашда “бешлик” тизими фаолияти самарадорлигини оширишга қаратилган семинар ўтказилди.

Унда туман ҳокими ёрдамчилари, маҳалла раислари, хотин-қизлар фаоллари, ёшлар етакчилари ҳамда профилактика инспекторлари ва маҳалла фуқаролари фаол иштирок этди.

Семинарда ижтимоий профилактика юзасидан масъул бўлган “маҳалла бешлиги”ининг вазифалари ҳамда амалга оширилиши лозим бўлган масалалар муҳокама қилинди.

Шунингдек, вояга етмаган ёшлар орасида юз бераётган нохуш ҳолатларга чек қўйиш юзасидан аниқ чора-тадбирлар кўриб борилиши, ижтимоий профилактика юзасидан қабул қилинган қўшма қарор ижроси юзасидан тушунтиришлар берилди.

Бундан ташқари, вилоятнинг Самарқанд шаҳри, Пастдарғом туманида Конституциямиз қабул қилинганлигининг 31 йиллиги муносабати билан “Конституция – бахтимиз қомуси” мавзусида тадбир ўтказилди.