Академия делегацияси Оctopus-2023 халқаро конференциясида иштирок этмоқда

Ўзбекистон Республикаси Ҳуқуқни муҳофаза қилиш академияси делегацияси ЕХҲТ кўмагида кибержиноятчиликка қарши курашиш масалаларига бағишланган Оctopus-2023 халқаро конференциясида (Бухарест шаҳри, Руминия) иштирок этмоқда.

Оctopus-2023 конференцияси кибержиноятчиликка қарши курашиш соҳасида дунёнинг етакчи экспертлари, турли мамлакатлар ҳуқуқни муҳофаза қилувчи органлари мутахассислари, олимлар ва хусусий сектор вакиллари учун кибержиноятларни тергов қилиш бўйича илғор тажриба алмашиш учун ноёб платформа бўлиб хизмат қилади.

13-15 декабрь кунлари бўлиб ўтадиган уч кунлик конференция дастури доирасида ялпи мажлислар, дунё минтақалари бўйича ихтисослаштирилган семинарлар, жумладан, Осиё мамлакатлари учун алоҳида сессия, шунингдек, киберхавфсизлик ва ҳуқуқни муҳофаза қилувчи органлар ўртасидаги ўзаро ҳамкорлик ҳамда кибержиноятчилик соҳасидаги молиявий текширувларга доир кенг кўламли масалаларни қамраб олувчи тематик муҳокамалар режалаштирилган.

15 декабрь куни бўлиб ўтадиган якуний маросимда Оctopus-2023 конференцияси якунларини сарҳисоб қилиш ва бу борадаги халқаро ҳамкорликнинг кейинги қадамларни белгилаб олиш режалаштирилган.