Россия Федерацияси прокуратураси университети факультет декани Aкадемияда стажировка ўтамоқда

Россия Федерацияси прокуратураси университетининг Касбий қайта тайёрлаш ва малака ошириш факультети декани Т.П.Кесареева таълим муассасалари ўртасидаги ўзаро англашув ва ҳамкорлик меморандуми доирасида Ҳуқуқни муҳофаза қилиш академиясида стажировка ўтамоқда.

Стажировка давомида Т.П.Кесареева Академиядаги таълим жараёнларида, жумладан, семинарлар, маърузалар ва амалий машғулотларда иштирок этади. Шунингдек, хорижлик ҳамкасбимиз Академиянинг таркибий бўлинмалари фаолияти, хусусан, амалиётга йўналтирилган ёндашув асосида масофавий ва аралаш шаклларда қайта тайёрлаш ва малака ошириш жараёнлари билан яқиндан танишиш имкониятига эга бўлади.

Академик мобиллик доирасидаги бу каби стажировкалар ҳуқуқни муҳофаза қилиш соҳасида билим, тажриба ва илғор амалиётни ўзаро алмашиниш учун самарали платформа бўлиб, таълим муассасалари ўртасидаги ўзаро ҳамкорлик ва шериклик муносабатларини янада кенгайтиришга хизмат қилади.