Навбатдаги “Очиқ эшиклар куни” тадбирида иштирок этилди

Академия вакили Халқаро коррупцияга қарши курашиш куни муносабати билан Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасида ташкил этилган “Очиқ эшиклар куни”да иштирок этди.

Аралаш шаклда ўтказилган “Очиқ эшиклар куни”да Санитария-эпидемиологик осойишталик ва жамоат саломатлиги қўмитаси ҳамда унинг ҳудудий ва туман-шаҳар даражасидаги бўлинмаларнинг 500 нафардан ортиқ ходимлари иштирок этишди.

Тадбирда Ҳуқуқни муҳофаза қилиш академияси, ИИВ Академияси ва Тошкент давлат юридик университети вакиллари маърузалар билан чиқиш қилишди. Хучусан, Академиянинг Коррупцияга қарши курашиш илмий-таълим маркази бошлиғи Х.Турсунбеков иштирокчиларга давлат хизматида коррупцивий ҳуқуқбузарликлар содир этганлик учун миллий қонунчиликда назарда тутилган жавобгарлик чораларининг амалда қўлланилиши ҳақида маълумот берди.