Рақамли таълим технологияларининг жорий этилиши оид Республика илмий-амалий конференцияда иштирок этилди

Ўзбекистон Республикаси Ҳуқуқни муҳофаза қилиш академияси вакиллари А. Авлоний номидаги педагогларни касбий ривожлантириш ва янги методикаларга ўргатиш миллий-тадқиқот институти томонидан ташкил этилган рақамли таълим технологияларининг жорий этилиши масалаларига оид илмий-амалий конференцияда иштирок этишди.

Конференцияда Мактабгача ва мактаб таълими таълими вазирлигии, Ҳуқуқни муҳофаза қилиш академияси, UNICEFнинг Ўзбекистондаги ваколатхонаси, Осиё тараққиёт банки, Жаҳон банкининг таълим ва кўникмаларни ривожлантириш бўйича мутахассислари, бошқа таълим муассасаларнинг масъул ходимлари иштирок этдилар.

Ҳуқуқни муҳофаза қилиш академиясининг электрон таълим бўлими бошлиғи А.Ибраймов ўз маърузасида иштирокчиларга прокуратура органлари ходимларининг малакасини ошириш жараёнида масофавий таълим ва унда тьюторлик фаолиятининг ташкил этилиши бўйича илғор тажрибалар ҳақида маълумот берди. Шунингдек, Академия ва А.Авлоний номидаги миллий-тадқиқот институти ўртасида имзонланган мемарандум доирасида келгусида амалга оширилиши зарур бўлган вазифалар белгилаб олинди.