Магистратура тингловчилари Божхона расмийлаштируви марказида бўлишди

Ўзбекистон Республикаси Ҳуқуқни муҳофаза қилиш академияси магистратурасининг “Прокурорлик фаолияти” мутахассислиги бўйича сиртқи таълим шаклида таҳсил олаётган тингловчиларининг Божхона қўмитасида бўлиб, Ўзбекистон Республикаси Президентининг “Божхона маъмуриятчилигини янада такомиллаштиришга доир қўшимча чора-тадбирлар тўғрисида” 2022 йил 27 апрелдаги ПФ–122-сон Фармонига мувофиқ ишга туширилган Божхона расмийлаштируви марказига ташрифи бўлиб ўтди.

Божхона расмийлаштируви марказида тингловчилар Маълумотларни қайта ишлаш маркази, Марказлаштирилган масофавий электрон декларациялаш пости, “Call-марказ”, Таргетлаш ва хавфларни мониторинг қилиш бошқармаси фаолияти билан танишдилар.

Ўзбекистон ва Жаҳон божхона ташкилоти ўртасидаги фаол ҳамкорликнинг янги намунаси бўлган Марказий божхона лабораторияси ҳам тингловчиларда катта қизиқиш уйғотди.

Тингловчилар божхона соҳасида амалга оширилаётган ишлар ва қўлга киритилаётган ютуқ ва тажрибалар билан бирга, тизимда хизмат қилаётган ходимларнинг амалий тажрибаларини илмий тадқиқотларга кенг жалб қилиш юзасидан батафсил маълумотлар олишди.