Профессор-ўқитувчиларнинг педагогик маҳоратини ошириш бўйича навбатдаги семинар-тренинг

Профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш, Ҳуқуқни муҳофаза қилиш академиясида таълим сифатини юксалтириш мақсадида изчил ва тизимли ишлар олиб борилмоқда.

Мазкур фаолият доирасида Академияда Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакларни баҳолаш агентлиги масъул ходимлари З.Шакаров, М.Абдуллаева ва Қ.Амоновлар иштирокида “Тестология фани ва унинг асосий тушунчалари. Тест топшириқларини шакллантириш. Блум таксономияси” мавзусида навбатдаги семинар-тренинг ташкил этилди.

Семинар-тренингда ҳозирги кунда республикамиз узлуксиз таълим тизимида, хусусан олий таълим муассасаларида ўқишга қабул жараёнида ҳамда ўқув жараёнида талаба ва тингловчиларнинг таълим дастурларини ўзлаштиришларини баҳолашда тест синовларининг аҳамияти, Тестология фани ва унинг мазмун-моҳияти, тест топшириқларини тузишга қўйиладиган талаблар, тест топшириқларини шакллантиришда йўл қўйиладиган типик хатоликлар, уларни бартараф этиш йўллари, Блум таксономияси ва унинг мазмуни, тест тузиш ва тест синовини ўтказишда эътибор қаратилиши лозим бўлган жиҳатлар ҳақида маъруза қилинди.

Семинар-тренинг сўнгида мавзу юзасидан иштирокчиларни қизиқтирган саволларига батафсил жавоб берилди.