Академия вакиллари экологик марафонда иштирок этишди

Ҳуқуқни муҳофаза қилиш академияси илмий ва таълим фаолияти билан бир қаторда жамот ишларида, жумладан, экологик ташаббусларда фаол иштирок этиб келмоқда. Академия вакиллари "Плоггинг" экологик марафонида – атроф-муҳитни тоза ва соғлом сақлаш йўлидаги ҳамкорлик ҳаракатларида иштирок этдилар. Тадбир давомида тахминан 100 та чиқинди халталари ва 200 дан ортиқ пластик шишалар йиғилди.

Экологик тадбирни ўтказишдаги салмоқли ҳисса қўшганлиги муносабати билан Академия жамоаси вакили махсус мукофотга сазовор бўлди. Бу нафақат Академиянинг ижтимоий масъулиятли муассаса сифатидаги обрўсини оширади, балки бошқа жамият аъзоларини экология соҳасидаги фаол ҳаракатларга илҳомлантиришга хизмат қилади.

Академия томонидан атроф-муҳитни яхшилашга қаратилган тадбирлар доимий ташкил этиб борилади. Бу шунингдек, барқарор ривожланиш ва атроф-муҳит муҳофазаси масалаларида жамиятнинг хабардорлиги ва фаоллигини оширишга қаратилган кенгроқ экологик йўналишдаги ташаббуслар тармоғини яратишга ёрдам беради.