Академия бакалавриатига қабул давом этмоқда

Ҳуқуқни муҳофаза қилиш академияси бакалавриатининг “Тергов фаолияти” йўналишига 2024/2025 ўқув йили учун қабул давом этмоқда.

Бакалавриатга қабулни юқори савияда ташкил этиш ва мамлакатимизнинг барча ҳудудлари, жумладан, чекка ҳудудлар аҳолисининг таълим олиш имкониятларидан кенг фойдаланишини таъминлаш мақсадида Академия ходимлари томонидан жойлардаги прокуратура органлари билан ҳамкорликда бакалавриатнинг “Тергов фаолияти” йўналишига қабул бўйича учрашув ва семинарлар ўтказилмоқда.

Республикамизнинг барча ҳудудларида умумий ўрта ва ўрта махсус таълим муассасаларининг битирув синф ўқувчиларини қамраб олган ҳолда, Академиянинг бакалавриат йўналишига қабул қилиш тартиби, Академияда ўқитишнинг ўзига хос хусусиятлари ва афзалликлари, халқаро стандартлар ва давр талаблари асосида ташкил этилган таълим жараёнлари хусусида тушунтириш ишлари олиб борилмоқда.

Бу каби семинар ва учрашувлар ҳудудларда давом этмоқда.