Академик ҳалоллик қоидалари ва уларга риоя этиш талаблари юзасидан очиқ дарс машғулотлари

Ҳуқуқни муҳофаза қилиш академияси талаба ва тингловчилар томонидан бажариладиган ишлар (назорат турлари, таҳлилий-маълумот, мақола, диссертация (битирув малакавий иши)да академик ҳалолликни таъминлаш ва плагиатга йўл қўймаслик борасида тизимли ишлар олиб бормоқда.

Академиянинг ёшлар масалалари ва маънавий-маърифий ишлар йўналишида амалга ошириладиган ишлар режасига мувофиқ, талабалар ва тингловчилар учун “Академик ҳалоллик қоидалари мазмун-моҳияти ва уларга риоя этиш талаблари” мавзусида очиқ дарс ташкил этилди.

Очиқ дарс давомида талаба ва тингловчиларга Академик ҳалоллик қоидаларининг мазмун-моҳияти ва уларга риоя этиш талаблари ҳамда плагиатга йўл қўйиш ҳолатларида келиб чиқадиган ҳуқуқий оқибатлар борасида зарур тушунчалар берилди. Дарс давомида профессор-ўқитувчилар томонидан бу борадаги ижобий тажрибалар юзасидан маълумотлар берилди.

Очиқ дарс сўнгида мавзу юзасидан талаба ва тингловчиларни қизиқтирган саволларига батафсил жавоб берилди.