Ҳудудларда ёшлар иштирокида туркум тадбирлар ташкил этилди

Академия ходимлари томонидан республикамизнинг барча ҳудудларида ҳудудий прокуратура органлари ҳамда Ёшлар ишлари агентлиги билан ҳамкорликда ёшлар билан учрашувлар ташкил этилди.

Туркум тадбирлар ёшларнинг ҳуқуқий билимларини юксалтириш, уларда ватанпарварлик ҳиссини тарбиялаш, ёшларнинг билим олишлари учун мавжуд имкониятлар ва яратилган шарт-шароитлар ҳақида хабардор қилиш, шунингдек ёшлар муаммоларини ўрганиш мақсадида ташкил этилган.

Очиқ мулоқот жараёнида ёшлар учун долзарб масалалар муҳокама қилиниб, уларнинг муаммолари ўрганилди. Мутахассислар томонидан ёшларни қизиктирган саволларга атрофлича жавоб берилди.

Ёшлар билан ишлаш борасида идоралараро ҳамкорлик барча ҳудудларда давом эттирилади.