Соғлом турмуш тарзи тарғиботига оид тадбир ташкил этилди

Академия талабалари иштирокида “Гиёҳвандлик – аср вабоси, ундан ёшларимизни асрайлик” мавзусида давра суҳбати бўлиб ўтди.

Тадбирда олий тоифали врач нарколог маъруза билан иштирок этди ва талабаларни гиёҳвандликнинг жиддий зарарлари ҳақида атрофлича маълумот билан таъминлади. Маъруза давомида гиёҳванд моддаларнинг инсон саломатлигига, жумладан, ақл ва жисмоний ҳолатига кўрсатадиган салбий таъсирлари, шунингдек, бу иллатнинг жамиятдаги ижтимоий ва иқтисодий оқибатлари ҳақида маълумот берилди. Гиёҳвандликнинг нафақат фойдаланувчи шахс, балки унинг оила аъзолари ва атрофидаги жамият учун ҳам қандай ўкинчли оқибатларга олиб келиши мумкинлигини таъкидланди.

Шунингдек, давра суҳбатида гиёҳвандликка қарши курашда ёшларнинг ўрни ва уларнинг масъулияти ҳақида сўз борди. Гиёҳвандликка қарши самарали профилактика чоралари ва ёшлар ўртасида саломатликни мустаҳкамлаш, соғлом турмуш тарзини ривожлантиришнинг аҳамияти ҳақида таъкидланди.

Анжуманда иштирок этган талабалар гиёҳвандлик муаммосини чуқурроқ англаш ва бу курашда ўзларининг фаол иштирокларини кўрсатишга ундайдиган муҳим маълумотлар ва кўникмаларга эга бўлишди. Ушбу давра суҳбати ёшларни гиёҳвандлик иллатидан сақланиш ва унга қарши курашишга даъват этувчи муҳим тадбир сифатида эътироф этилди.