Иқтисодий жиноятларга қарши курашиш департаменти ходимлари учун навбатдаги масофавий малака ошириш курси

Бош прокуратура Академиясида Иқтисодий жиноятларга қарши курашиш департаментининг туман (шаҳар) бўлимлари бошлиқлари учун навбатдаги малака ошириш курси бошланди.

Мазкур курс Академиянинг «Proacademy» электрон ахборот-таълим портали базасида масофавий таълим шаклида амалга оширилмоқда. Карантин чоралари жорий этилгандан буён мазкур йўналишда 2 та масофавий курслар ташкил этилган бўлиб, ушбу курсларни 95 нафар тингловчилар муваффақиятли якунлашди.

Дастур тингловчиларнинг қайта алоқа механизмлари орқали аниқланган эҳтиёжларини ҳамда олдинги ташкил этилган ўқувлардаги тажрибани инобатга олиб, янада такомиллаштирган ҳолда иқтисодий жиноятларга қарши курашишни ташкил этишнинг долзарб масалалари бўйича ишлаб чиқилган.

Курсни ўтказишни лозим даражада ташкил этиш мақсадида тингловчиларга ишдан ажралмаган ҳолда курсни ўташ тартиби, амалий топшириқларни бажариш қоидалари таништирилиб, уларнинг Академия профессор-ўқитувчилари билан доимий алоқада бўлиш имкониятларини таъминлаш чоралари кўрилди.