Тинтув ва олиб қўйиш тактикаси бўйича маҳорат дарси

Ўзбекистон Республикаси ИИВ ЭКБМ Рақамли экспертизалар бўлими бош эксперти А.Қаҳрамонов томонидан Ҳуқуқни муҳофаза қилиш Академиясининг “Ҳуқуқбузарликлар профилактикаси ва жамоат хавфсизлигини таъминлаш” йўналиши бўйича таҳсил олаётган бакалавриат талабалари учун “Тинтув ва олиб қўйиш тактикаси” мавзусида маҳорат дарси ўтказилди.

Мазкур маҳорат дарси интерактив усулда ўтказилиб, талабаларга ахборот технологиялари соҳасида содир этиладиган жиноятлар бўйича тинтув ва олиб қўйишнинг криминалистик тактик қоидалари, тайинланадиган экспертизалар бўйича саволлар қўйиш, тинтув натижасида олинган ашёвий далилларни ўраш ва муҳрлаш тартиб қоидалари ҳақида батафсил маълумотлар берилди.

Машғулот якунида талабаларнинг саволларига мутахассис томонидан тўлиқ ва ҳар томонлама жавоблар берилди.