Польшанинг Гданьск университети билан ўзаро ҳамкорлик масалалари муҳокама қилинди

Ҳуқуқни муҳофаза қилиш академияси вакиллари Гданьск университети (Польша) Ҳуқуқ ва бошқарув факультетининг халқаро ҳамкорлик бўйича декан ўринбосари, профессор Эдвардас Юхневичус (Edvardas Juchnevicius) билан ишчи учрашув ўтказишди.

Учрашувда икки таълим муассасалари ўртасидаги ҳамкорлик истиқболлари, жумладан ўзаро англашув меморандумини имзолаш, академик мобиллик, профессор-ўқитувчилар ва студентлар алмашинуви, стажировка ўташ, “икки диплом” дастурини йўлга қўйиш, илмий мақолаларни чоп этиш, шунингдек қўшма илмий тадқиқотлар ва лойиҳаларни амалга ошириш масалалари муҳокама қилинди.