Вояга етмаганлар ҳақидаги қонунчилик ижроси устидан прокурор назоратини таъминлаш масалалари бўйича малака ошириш курси ташкил этилди

Ўзбекистон Республикаси Ҳуқуқни муҳофаза қилиш академиясида туман (шаҳар) прокурорларининг соҳавий ёрдамчилари иштирокида “Вояга етмаганлар ҳақидаги қонунчилик ижроси устидан прокурор назоратини самарали таъминлаш масалалари” мавзусида малака ошириш курси ташкил қилинди.

Малака ошириш курси доирасида тингловчилар вояга етмаганлар ҳақидаги қонунлар ижроси устидан прокурор назоратини ташкил қилиш, ногирон ва етим болаларни ижтимоий ҳимояга олишнинг хусусиятлари, қонун билан алоқа ёки зиддиятга кирган вояга етмаганлар билан мулоқот қилишнинг ўзига хос хусусиятлари, вояга етмаганларга нисбатан содир этилаётган замонавий таҳдидлар ҳамда уларга қарши курашиш каби қатор долзарб масалалар бўйича билим ва кўникмалар берилади.

Курс жараёнида тингловчилар томонидан амалдаги вояга етмаганлар соҳасида қонунчиликка киритилган янгиликлар, амалиётда мавжуд тизимли муаммолар ва камчиликлар, уларни ҳал этиш йўллари ҳамда бошқа муҳим аҳамиятга молик масалалар бўйича таҳлилий материаллар тайёрланади.