“Фуқаролик ҳуқуқи (умумий қисм)” дарслиги чоп этилди

Ҳуқуқни муҳофаза қилиш академияси томонидан “Фуқаролик ҳуқуқи (умумий қисм)” дарслиги рус тилида тайёрланиб чоп этилди.

Мазкур дарсликда фуқаролик ҳуқуқининг умумий қоидалари, фуқаролик ҳуқуқлари ва мажбуриятларининг пайдо бўлиши, фуқаролик ҳуқуқларини амалга ошириш ва ҳимоя қилиш, жисмоний ва юридик шахслар, моддий ва номоддий неъматлар, битимлар, вакиллик ва ишончнома, муддатларни ҳисоблаш, мулк ҳуқуқи ва бошқа ашёвий ҳуқуқлар, хўжалик юритиш ҳуқуқи, оператив бошқарув ҳуқуқи, мулкий ҳуқуқларни, хусусий мулкни, жамоат мулкини, умумий мулкни олиш ва тугатиш, мулкий ҳуқуқларни ва бошқа ашёвий ҳуқуқларни ҳимоя қилиш, мажбуриятлар тўғрисидаги умумий қоидалар, мажбурият тушунчаси ва томонлари, мажбуриятларни бажариш, мажбуриятларнинг бажарилишини таъминлаш, мажбуриятдаги шахсларнинг ўзгариши, мажбуриятларни бузганлик учун жавобгарлик, мажбуриятларнинг бекор қилиниши, шартнома бўйича умумий қоидалар, шартнома тушунчаси ва шартлари, шартнома тузиш, шартномани ўзгартириш ва бекор қилиш каби масалалар ёритилган.

Дарсликда мавзуларни мустаҳкамлаш учун саволлар, казуслар, тестлар, услубий кўрсатмалар, шунингдек қўшимча фойдаланиш учун ҳар бир мавзу юзасидан адабиётлар рўйхати берилган.

Мазкур дарслик олий юридик таълим муассасалари талабалари ва профессор-ўқитувчилари, шунингдек, фуқаролик қонунчилигига қизиқувчи кенг китобхонлар учун мўлжалланган.

Дарслик USAIDнинг Ўзбекистондаги ҳуқуқий ислоҳотлар дастури доирасида чоп этилди.

Дарслик билан Академиянинг Ахборот-ресурс марказида танишиш ва фойдаланиш мумкин.