Олий таълим соҳасида коррупцияга қарши курашиш мавзусида семинар ўтказилди

Олий таълим соҳасида фаолият кўрсатувчи ходимларнинг коррупцияга қарши курашиш соҳасидаги билимларини ошириш мақсадида Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида “Коррупцияга оид ҳуқуқбузарлик ва жиноятларнинг ёшлар келажагига таъсир қилувчи салбий оқибатлари” мавзусидаги семинар ўтказилди.

Тадбирда Билим ва малакаларни ошириш агентлиги ҳамда онлайн шаклда унинг ҳудудий бўлимларининг барча ходимлари иштирок этди.

Семинарда асосий маърузачи сифатида иштирок этган Академиянинг Коррупцияга қарши курашиш илмий-таълим маркази бошлиғи Х.Турсунбеков томонидан ўзининг “Олий таълим жараёнидаги коррупциявий ҳуқуқбузарликлар учун жавобгарлик масалалари” мавзусида чиқишида соҳада учраб турадиган коррупциявий ҳуқуқбузарликлар, охирги йиллар давомида таълим соҳасида содир этилган коррупциявий жиноятларни статистик маълумотлар ва аниқ мисоллар орқали ёритилиб, келгусида бундай ҳуқуқбузарикларга йўл қўймаслик бўйича таклифлар берилди.