Профессор-ўқитувчиларнинг педагогик маҳоратини ошириш бўйича навбатдаги семинар-тренинг

Профессор-ўқитувчиларнинг педагогик маҳоратини ошириш фаолияти доирасида Академияда Ўзбекистон Республикаси Олий таълим, фан ва инновациялар вазирлиги ҳузуридаги Олий таълим тизими кадрларини қайта тайёрлаш ва малакасини ошириш институти бўлим бошлиғи, п.ф.ф.д. (PhD) Дж.У.Кушарбаев иштирокида “Кредит-модуль тизимида ўқув жараёнини ташкил этиш” мавзусида навбатдаги семинар-тренинг ташкил этилди.

Семинар-тренингда олий таълим муассасаларида жорий этилган кредит-модуль тизимининг мазмун-моҳияти, унинг ўзига хос хусусиятлари, кредит-модуль тизимида профессор-ўқитувчиларга ҳамда талабаларга қўйиладиган талаблар, ўқув контентини ишлаб чиқиш, шунингдек, талабаларнинг  ўзлаштиришларини баҳолаш усуллари ҳақида батафсил маъруза қилинди.

Семинар-тренинг сўнгида мавзу юзасидан иштирокчиларни қизиқтирган саволларга батафсил жавоб берилди.