Ноқонуний молиявий оқимларга қарши курашиш соҳасида БМТнинг Наркотиклар ва жиноятчиликка қарши курашиш бўйича бошқармаси билан ҳамкорлик

Академия томонидан БМТнинг Наркотиклар ва жиноятчиликка қарши курашиш бўйича бошқармасининг Марказий Осиёдаги минтақавий ваколатхонаси билан ҳамкорликда жиноий даромадларни легаллаштиришга қарши курашиш бўйича миллий тизим самарадорлигини оширишга қаратилган видеоконференция режимида ишчи семинар бўлиб ўтди.

Тадбир “Уюшган жиноятчилик ва ноқонуний наркотиклар савдоси билан боғлиқ параллел молиявий текширувни амалга ошириш ва ноқонуний молиявий оқимларга чек қўйиш бўйича Ўзбекистон Республикасининг ваколатли органлари ходимларининг малакасини ошириш” лойиҳасини амалга ошириш доирасида амалга оширилди.

Семинарда БМТнинг Наркотиклар ва жиноятчиликка қарши курашиш бўйича бошқармаси вакиллари А.Водяной ва Н.Курячая, хорижий ва миллий экспертлар – Бош прокуратура, Иқтисодий жиноятларга қарши курашиш департаменти, ИИВ, Вазирлар Маҳкамаси ҳузуридаги Наркотик моддаларни назорат қилиш миллий ахборот-таҳлил маркази ва Академия ходимлари иштирок этди.