Ҳуқуқни муҳофаза қилиш академияси томонидан киберспорт бўйича мусобақа ўтказилди

Ҳуқуқни муҳофаза қилиш академияси томонидан Ўзбекистон Республикаси Президентининг 2022 йил 16 ноябрдаги “Киберспорт турларини янада ривожлантириш ва кенг оммалаштиришга оид қўшимча чора-тадбирлар тўғрисида”ги Қарори ижросини таъминлашга қаратилган ишлар амалга оширилмоқда.

Хусусан, талаба-ёшларнинг бўш вақтларини мазмунли ўтказиш, киберспортни хавфсиз ривожлантириш ва оммалаштириш бўйича экотизим яратиш, мусобақалар ва турнирларни тизимли равишда ўтказиш орқали иқтидорли ёшларни аниқлаш, танлаш ва саралаш мақсадида киберспортнинг CS:2 йўналиши бўйича Академия чемпионати ташкил этилди.

Чемпионатда жами 6 та жамоа иштирок этиб, муросасиз кечган ўйин натижаларига кўра Alfa жамоаси фахрли биринчи, Tanjiro жамоаси иккинчи ҳамда Nevermore жамоаси учинчи ўринларни қўлга киритишди.

Ғолиб Alfa жамоаси Олий таълим муассасалари талабалари ўртасида киберспорт бўйича “Uzbekistan Esports Championship” республика чемпионатида иштирок этади.