Миллий банк ёш ва ишга янги қабул қилинган ходимлари учун коррупцияга қарши курашиш мавзусида семинар ўтказилди

Академия томонидан Ташқи иқтисодий фаолият Миллий банкида ёш ҳамда ишга янги қабул қилинган ходимлар учун “Ўзбекистон Республикасида коррупцияга қарши курашиш соҳасидаги давлат сиёсатининг асосий йўналишлари” мавзусидаги семинар ўтказилди.

Аралаш тарзда ўтказилган семинарда банк раҳбарияти, марказий маҳкама ва барча ҳудудий тузилмаларининг ишга янги қабул қилинган жами 700 нафардан зиёд ёш ходимлари иштирок этди.

Тадбир Академиянинг Коррупцияга қарши курашиш илмий-таълим маркази бошлиғи Х.Турсунбеков томонидан олиб борилди.

Семинар давомида ёш ходимлар мамлакатимизда коррупцияга қарши давлат сиёсатининг асосий йўналишлари, ушбу соҳадаги қонунчиликнинг мазмун-моҳияти, хизматчилар учун ўрнатилган тақиқ ва чекловлар, манфаатлар тўқнашувини олдини олиш ҳамда коррупциявий ҳуқуқбузарликлар учун белгиланган жавобгарлик чоралари билан батафсил таништирди.

Тадбир Миллий банк тизими ходимларининг коррупцияга қарши курашиш соҳасидаги хабардорлигини ошириб, уларда коррупция иллатига нисбатан муросасиз муносабатни шакллантиришга кўмак берди.