Кибержиноятларни тергов қилиш бўйича маҳорат дарси

Буюк Британия Қироллик прокуратураси Терроризмга қарши курашиш бошқармаси Кибертерроризм билан боғлиқ жиноятларини тергов қилиш бўлими собиқ бошлиғи Марк Кэролл ва Буюк Британиянинг Ўзбекистондаги элчихонасининг терроризмга қарши курашиш бўлими ходими Мэтью Уиллмор томонидан Ҳуқуқни муҳофаза қилиш Академиясининг “Тергов фаолияти” йўналиши бўйича таҳсил олаётган бакалавриат ва магистратура талабалари учун “Кибержиноятларни тергов қилиш: Буюк Британия тажрибаси” мавзусида маҳорат дарси ўтказилди.

Мазкур маҳорат дарси интерактив усулда ўтказилиб, талабаларга ахборот технологиялари соҳасида содир этиладиган жиноятларни тергов қилиш бўйича Буюк Британия тажрибаси, рақамли далилларни олиб қўйишнинг криминалистик тактик қоидалари, воқеа жойини кўздан кечириш давомида қатнашадиган мутахассислар ҳақида батафсил маълумотлар берилди.

Машғулот якунида талабаларнинг саволларига мутахассис томонидан тўлиқ ва ҳар томонлама жавоблар берилди.