Коррупцияга қарши курашиш бўйича навбатдаги тренинг ўтказилди

Ҳуқуқни муҳофаза қилиш академияси томонидан Ўзбекистон Республикаси Сув хўжалиги вазирлиги ҳузуридаги Сув хўжалигида хорижий инвестиция лойиҳаларини амалга ошириш марказида коррупцияга қарши курашиш соҳасидаги давлат сиёсатининг асосий йўналишларига бағишланган тренинг ўтказилди.

Тренинг Академиянинг Коррупцияга қарши курашиш илмий-таълим маркази бошлиғи Х.Турсунбеков томонидан олиб борилди.

Тадбир давомида Сув хўжалигида хорижий инвестиция лойиҳаларини амалга ошириш маркази ходимлари мамлакатимизда амалга оширилаётган коррупцияга қарши давлат сиёсати, ушбу соҳадаги қонунчиликнинг мазмун-моҳияти, манфаатлар тўқнашувини олдини олиш, давлат хизматчиларининг даромадларини декларация қилиш ҳамда коррупциявий ҳуқуқбузарликлар учун белгиланган жавобгарлик чоралари билан батафсил таништирилди.