Темурийлар тарихи музейида маънавий-маърифий тадбир бўлиб ўтди

Ҳуқуқни муҳофаза қилиш академияси томонидан Темурийлар тарихи музейида буюк давлат арбоби ва саркарда Амир Темур таваллуд топган кунининг 688 йиллиги муносабати билан “Темурийлар давридаги ҳуқуқий давлатнинг ўзига хос жиҳатлари” мавзусида маънавий-маърифий тадбир бўлиб ўтди.

Тадбирда Академия ходимлари ва талабадари, темуршунос олимлар, тарихчилар иўтирок этдилар.

Мазкур тадбирда тарих фанлари доктори, профессор Ш.Ўлжаева “Амир Темур салтанатининг давлат бошқарув тизими” мавзусида маъруза қилди. Ўзбекистон Республикаси ФА Абу Райхон Беруний номидаги Шарқшунослик институти етакчи илмий ходими, манбашунос, “Меҳнат шуҳрати” ордени соҳиби, тарих фанлари доктори О.Бўриев “Соҳибқирон Амир Темур – Адолат тимсоли” мавзусида, ФА Темурийлар тарихи давлат музейи етакчи илмий ходими, Ўзбекистон Ёзувчилар уюшмаси аъзоси, Т.Хайит “XV асрда Амир Темурнинг дунёни бошқариш концепцияси” мавзусидаги маърузалар билан иштирок этишди.

Тадбир ҳуқуқни муҳофаза қилиш соҳасида етук малакали мутахассисларни тайёрлашда  муҳим аҳамият касб этиб, тадбир давомида буюк саркарда Соҳибқирон Амир Темурнинг хаёти, сиёсий ва ижтимоий фаолияти, Темурийлар даври давлатчилиги, бошқарув тизими, давлат тизимини мустаҳкамлаш ва бошқаришдаги тартиб интизом, қонунчилик ва суд-ҳуқуқ масалалари, фан, таълим ва маданият, савдо-сотиқ ва ҳунармандчиликни ривожланиши, мамлакат ҳимоясини амалга оширилган ишлар, ўзбек миллий давлатчилиги тараққиётида Темурийлар давлатининг ўзига хос хусусиятлари ва аҳамияти ҳақида батафсил тушунчалар бериб ўтилди.