Ҳуқуқни муҳофаза қилиш академияси жамоаси – республика танловининг саралаш босқичи ғолиби

Ҳуқуқни муҳофаза қилиш академияси талабалари жамоаси Тошкент Тиббиёт академиясида бўлиб ўтган “Маърифат майдони” республика танловининг 2-саралаш босқичида иштирок этди.

Жамоалар кескин рақобат муҳитида бўлиб ўтган, танлов низомида назарда тутилган атоқли адиблар ҳаёти ва ижоди бўйича тақдимот тайёрлаш, адиблар хиёбонида ҳайкаллари ўрнатилган адиблар ҳаёти ва ижодидан тезкор савол-жавоблар ўтказиш, адиблар ҳаёти ва ижодидан саҳналаштирилган композиция тайёрлаш каби шартларни бажардилар.

Танловнинг мазкур саралаш босқичида Ҳуқуқни муҳофаза қилиш академияси талабалари Тошкент амалий фанлар университети, Тошкент давлат иқтисодиёт университети, Тошкент фармацевтика институти ҳамда Тошкент шаҳридаги “ММФИ” Миллий тадқиқот ядро университети жамоалари билан беллашдилар.

Саралаш босқичининг якунига кўра Ҳуқуқни муҳофаза қилиш академияси талабалари жамоаси ғалаба қозонди ва республика танловининг финал босқичига йўлланмани қўлга киритди.