Ҳуқуқбузарликлар профилактикасини услубий таъминлаш борасидаги ишлар

Академиянинг Ҳуқуқни муҳофаза қилиш фаолияти муаммоларини илмий-амалий тадқиқ қилиш маркази ходимлари томонидан Фарғона вилоятида криминоген вазият аҳволи ва ҳуқуқбузарликлар профилактикаси самарадорлигини ўрганиш доирасида Фарғона вилояти прокуратурасида вилоят Ички ишлар бошқармасининг масъул ходимлари билан учрашув ўтказилди.

Учрашувда ҳудудда жиноятчиликка қарши курашиш соҳасида олиб борилаётган чора-тадбирлар, ҳуқуқбузарликлар профилактикаси соҳасида мавжуд муаммолар ҳамда ички ишлар органлари ходимларининг малакасини ошириш масалалари муҳокама қилиниб, масъул шахслар ахборотлари тингланди. 

Учрашув натижасига кўра, вилоятда ўтказиладиган ўрганиш тадбирлари доирасида амалга ошириладиган ишлар, хусусан, эътибор қаратилиши лозим бўлган “қизил маҳаллалар” ва “жиноят ўчоқлари” белгиланди.