Инсон ҳуқуқлари бўйича навбатдаги маҳорат дарси

Академия бакалавриатининг “Тергов фаолияти” йўналиши талабалари учун “Ўзбекистон Республикаси Олий Мажлисининг Инсон ҳуқуқлари бўйича Вакили (Омбудсман)нинг роли ва аҳамияти” мавзусида икки кунлик бинар маҳорат дарслари ўтказилди.

Мазкур бинар машғулот “Инсон ҳуқуқлари миллий тизими” модули доирасида бўлиб ўтди. Унда Ўзбекистон Республикаси Олий Мажлисининг Инсон ҳуқуқлари бўйича Вакили (Омбудсман) котибияти мутахассисларининг маърузалари тингланди.

Омбудсманнинг таркибий тузилмалари ва уларнинг вазифаларига оид батафсил ахборот талабаларда катта қизиқиш уйғотди. Ўзбекистон томонидан инсон ҳуқуқлари бўйича халқаро мажбуриятларнинг бажарилиши, БМТнинг устав ва шартномавий органлари тавсияларини амалиётга татбиқ этиш механизмлари бўйича ҳам атрофлича маълумот берилди.

Маҳорат дарси якунида талабалар ўзларини қизиқтирган барча саволларга жавоб олдилар.