Рақамли дидактика ва маданият йўналишига оид республика илмий-амалий конференцияда иштирок этилди

Ўзбекистон Республикаси Ҳуқуқни муҳофаза қилиш академияси вакиллари Ўзбекистон педагогика фанлари илмий тадқиқот институти томонидан ташкил этилган “Рақамли дидактика ва маданият: замонавий тенденциялар, ёндашувлар, ечимлар” мавзусига оид илмий-амалий конференцияда иштирок этишди.

Конференцияда Мактабгача ва мактаб таълими таълими вазирлигии, Ҳуқуқни муҳофаза қилиш академияси, Тошкент давлат педагогика университети, “SCIENCE AND INNOVATION” халқаро журнали ва бошқа таълим муассасаларнинг масъул ходимлари иштирок этдилар.

Ҳуқуқни муҳофаза қилиш академиясининг электрон таълим бўлими бошлиғи А.Ибраймов иштирокчилар олдида маъруза қилиб, унда прокуратура органлари ходимларининг малакасини ошириш жараёнини рақамлаштирилган педагогик дизайн воситаларида стратегик лойиҳалаштириш механизмлари ҳақида батафсил маълумот берди.

Шунингдек, келгусида Академия ва Ўзбекистон педагогика фанлари илмий тадқиқот институти орасида ўзаро ҳамкорлик қилиш мумкин бўлган йўналишлар муҳокама қилинди.