Англия ва Уэльс Юридик жамияти вакилларининг Академияга ташрифи

Англия ва Уэльс Юридик жамияти вакиллари Дебра Лонг ва Триана Лениханнинг Ўзбекистонда бўлиши давомида Ҳуқуқни муҳофаза қилиш академиясига танишув ташрифини амалга оширишди.

Академия раҳбарияти билан бўлиб ўтган учрашув давомида хорижий меҳмонлар Ўзбекистонда суд-ҳуқуқ, юридик таълим, юристлар малакасини ошириш соҳасида амалга оширилаётган ишлар ва ислоҳотлар, Академия фаолияти, прокуратура ва тергов органлари ходимларини ўқитиш жараёни, таълимда қўлланилаётган янги педагогик усуллар ва замонавий технологиялар, ўқув инфраструктураси ҳамда профессор-ўқитувчилар ва тингловчиларга яратилган шароитлар билан таништирилди.

Ўз навбатида Жамият билан келгусида юридик таълим ва ҳуқуқшунос кадрлар малакасини ошириш соҳасида амалга ошириш мумкин бўлган ҳамкорлик йўналишлари муҳокама қилинди.