Руминиянинг коррупциявий хавф-хатарларнинг олдини олиш тажрибаси ўрганилди

Бош прокуратура ва Ҳуқуқни муҳофаза қилиш Академияси вакилларидан иборат таркибдаги делегациянинг Руминияда давом этаётган ташриф доирасида Ички ишлар вазирлиги ҳузуридаги Коррупцияга қарши курашиш Бош директорати вакиллари билан учрашув ўтказилди.

Учрашув давомида Руминия Ҳукуматининг қарорига асосан тасдиқланган “Коррупциявий хавф-хатарларни баҳолашга оид услубиёт”нинг тақдимоти бўлиб ўтди.

Тақдимот давомида Руминия давлат идораларида коррупциянинг олдини олиш мақсадида услубиётга асосан йўлга қўйилган тизим, уни ишга тушириш борасида амалга оширилган чора-тадбирлар ва эришилган ютуқлар юзасидан батафсил маълумот берилди.