Академия терма жамоасининг футбол турниридаги ғолибона старти

Футбол бўйича Академия терма жамоаси Ўзбекистон Профессионал футбол лигаси томонидан ташкил этилган мини футбол бўйича "Coca-Cola Students Cup" мусобақасида иштирок этиш учун рўйхатдан ўтиб, зарур лицензияни олди.

Бу футбол турнирида Ўзбекистоннинг турли олий ўқув юртларидан 100 га яқин жамоа иштирок этади.

Академия жамоаси илк учрашувдаёқ Альфраганус университети жамоаси устидан 2:0 ҳисоб билан ғалаба қозонди.

Академия терма жамоаси мазкур мусобақага масъулият билан ёндашган ҳолда, ўзаро ҳамкорлик ва жамоавий руҳни мустаҳкамлаш мақсадида ҳар бир ўйин олдидан махсус тайёргарликдан ўтиб, машғулотларда иштирок этмоқда.

Мусобақалар апрель–май ойларида бўлиб ўтади, "Coca-Cola Students Cup" мусобақаси нафақат футбол маҳоратини ошириш, балки талабалар орасида спорт маданиятини ва соғлом турмуш тарзини тарғиб қилишга ҳам хизмат қилади.

Академия жамоасига омад тилаймиз!