Давлат хизматида коррупциянинг олдини олиш борасида Руминия тажрибаси ўрганилди

Бош прокуратура ва Ҳуқуқни муҳофаза қилиш академияси вакилларидан иборат делегациянинг Руминияга ташрифи доирасида Ҳалоллик бўйича миллий агентлик вакиллари билан учрашув ўтказилди.

Учрашувда Агентликка юклатилган вазифалар, хусусан давлат хизматчиларининг даромадлари ҳақидаги декларацияларнинг ҳаққонийлигини таъминлаш, манфаатлар тўқнашувининг олдини олиш борасида амалга оширилган ишлар юзасидан маълумот олинди.

Шу билан бирга, Агентлик ходимлари томонидан давлат харидларини амалга оширишда манфаатлар тўқнашувининг олдини олиш имкониятини берувчи ҳамда даромадлар декларацияларини қабул қилиш, таҳлил қилиш ва сақлаш жараёнларини рақамлаштириш мақсадида ишлаб чиқилган дастурий таъминотлар ҳақида атрофлича маълумот берилди.