Коррупцияга оид жиноятларни тергов қилиш борасида хорижий тажриба ўрганилди

Бош прокуратура ва Ҳуқуқни муҳофаза қилиш академияси вакилларидан иборат таркибдаги делегациянинг Руминияга ташрифи доирасида Коррупцияга қарши курашиш миллий бошқармаси вакиллари билан учрашув ўтказилди.

Тадбир давомида Миллий бошқарма таркибий тузилмаси, фаолиятининг ўзига хос хусусиятлари, бошқарма томонидан ўтказилган тергов ҳаракатлари асосида фош этилган коррупциявий схемалар хусусида батафсил маълумотлар берилди.

Шунингдек, Миллий бошқармага номзодларни ишга қабул қилиш учун яратилган ўзига хос тизим ва унинг аҳамияти юзасидан батафсил маълумот берилди.