Академия талаба-қизлари тадбирда иштирок этишди

Ҳуқуқни муҳофаза қилиш академияси талаба-қизлари “Мен кучли аёлман” шиори остида Ички ишлар вазирлиги томонидан ташкил этилган тадбирда фаол иштирок этдилар. Мазкур тадбирда иштирок этиш орқали талаба-қизлар ўзларининг нафақат ақлий, балки жисмоний қувватларини ҳам намойиш этдилар.

 “Мен кучли аёлман” тадбири мамлакатда хотин-қизларга кўрсатилаётган юксак эътиборнинг ёрқин намунаси бўлиб, Ўзбекистонда хотин-қизларнинг жамиятдаги ўрнини мустаҳкамлаш ва уларни қўллаб-қувватлашга қаратилган лойиҳалардан биридир. Давлат ва жамият томонидан хотин-қизларга бўлган бу эътибор уларнинг барча соҳаларда фаол бўлиши учун кенг имкониятлар яратади.

Тадбир давомида талаба-қизлар учун турли хил мусобақалар, шунингдек, маънавий-маърифий лойиҳалар ташкил этилди. Уларда иштирок этиш орқали қизлар ўзларининг жисмоний ва интеллектуал қобилиятларини намойиш қилишди.

Мазкур тадбирда иштирок этган талаба-қизлар ўзлари учун янгидан-янги билим ва илҳом олишлари келгусида ҳам шундай лойиҳаларда фаол иштирок этишига ундайди.