“Ватаннинг содиқ ёшлари” мавзусидаги ўқув йиғини давом этмоқда

Ҳуқуқни муҳофаза қилиш академияси томонидан Тошкент шаҳрининг барча туманлари хотин-қизлари учун махсус ишланган дастур асосида ташкил этилган “Ватаннинг содиқ ёшлари” мавзусидаги ўқув йиғини давом этмоқда.

Навбатдаги ўқув йиғинида Тошкент шаҳрининг Олмазор, Бектемир ва Мирзо Улуғбек туманларидан 50 нафардан ортиқ хотин-қизлар иштирок этишди.

Ўқув йиғини дастури ёшларни психологик таъминлаш, касбга йўналтириш, бандликка кўмаклашиш, ҳуқуқий билимлар бериш, ватанпарварлик, Ватан тақдирига дахлдорлик, ўз юртига ва халқига муҳаббат туйғуларини сингдириш, оила, фарзанд тарбиясига бефарқ бўлмаслик каби фазилатларни шакллантиришга қаратилган муҳим мақсадларни қамраб олган.

Машғулотлар нафақат Академиянинг юқори малакали мутахассислари томонидан, балки Ўзбекистон Республикасида танилган психологлар, педагоглар, юристлар ва мураббийлар, халқаро ташкилотларнинг, хусусан UNICEF экспертлари ва волонтёрлари томонидан интерактив методларни қўллаган ҳолда ўтказилмоқда. Бу ўз навбатида курснинг натижадорлигига ижобий таъсир ўтказади.

Ўқув йиғини доирасида шунингдек ҳар бир иштирокчи хотин-қизнинг муаммолари алоҳида ўрганилиб, уларининг ҳал этишда кўмаклашиш юзасидан амалий чоралар кўрилмоқда.