Академия терма жамоаси футбол турнирида иштирок этди

Академия талабалари Профессионал футбол лигаси томонидан ташкил этилган олий таълим муассасалари ўртасидаги "Coca-Cola Students Cup" мини-футбол мусобақаси да муносиб иштирок этдилар.

Академия ёшлар ўртасида оммавий спортни, айниқса, футболни ривожлантириш ва уларни спортга жалб қилишга алоҳида эътибор қаратмоқда. Мазкур мусобақада иштирок этган талаба-спортчиларимиз бир неча кучли рақиб жамоалардан устун келиб, ўз иқтидорларини намоён этишди.

“Coca-Cola Students Cup” мусобақаси Академия учун футболчи ёшларнинг тажрибасини ошириш ва келажакдаги муваффақиятлари учун яхши майдон бўлди. Бу турнирда иштирок этиш давомида ёшлар нафақат жисмоний маҳоратини, балки жамоавий ишлаш кўникмаларини ҳам ривожлантирдилар.

Академия томонидан спортга кўрсатилаётган бугунги эътибор ва ёшларнинг ушбу мусобақадаги муваффақиятлари, уларнинг келажакдаги йирик спорт мусобақаларига тайёрланишида муҳим қадам бўлади.

Ҳозирда Академия терма жамоаси Тошкент шаҳар ҳокими кубоги мусобақаларига қизқин тайёргарлик кўрмоқда.