Академияда талабалар интеллектуал лигаси мавсум ўйинлари ўтказилди

Академияда тингловчи ва талабаларнинг интеллектуал салоҳиятини юксалтириш масаласига кадрлар тайёрлаш жараёнларида устувор йўналиш сифатида эътибор қаратилмоқда. Мазкур ишлар доирасида Академияда интеллектуал лига ташкил этилган бўлиб, ушбу лиганинг мавсум ўйинлари бўлиб ўтди.

Интеллектуал лига талаба ёшлар ташаббуси билан тузилган бўлиб, ёшларнинг интеллектуал ва ижодий салоҳиятини, дунёқарашини юксалтириш, жамоада ишларш кўникмаларини ривожлантиришга хизмат қилади.

Мавсум ўйинларида бакалавриат талабаларидан иборат 20 га яқин жамоа иштирок этди. Интеллектуал ўйинлардаги саволларнинг аксарияти ҳуқуқнинг турли соҳаларига оид бўлиб, талабаларнинг алоҳида ҳуқуқ ихтисосликлари борасидаги билимларини кенгайтириш имконини берди.

Қизғин ва муросасиз кечган ўйинларда 1-курс “Прокурорлик фаолияти” йўналиши 2-гуруҳ талабаларидан ташкил топган “Торнадо” жамоаси ғолиб бўлди. Бу ғалаба талабаларнинг билимдонлиги ва шу билан бирга жамоада ишлаш қобилиятининг натижаси бўлди.

Интеллектуал лига мавсум ўйинлари мунтазам равишда ўтказиб келиниб, ёшларнинг ҳуқуқий билимлари, кенг дунёқараши ва интеллектуал салоҳиятини юксалтиришга муносиб ҳисса қўшади.