“Лойиҳа бошқаруви асослари” мавзусида ўқув тренинги бўлиб ўтди

Жорий йилнинг 8-12 октябрь кунлари Ўзбекистон Республикаси Бош прокуратураси Академиясида профессор-ўқитувчилар учун “Лойиҳа бошқаруви асослари” мавзусида ўқув тренинги бўлиб ўтди. 

Ушбу тадбир Ўзбекистон Республикаси Президенти ҳузуридаги Лойиҳа бошқаруви агентлиги қошида фаолият кўрсатувчи Абу Райҳон Беруний номидаги Бизнес ва бошқарув олий мактаби билан ҳамкорликда ташкил этилди.

Ўқув курсининг мақсади – ходимларни лойиҳа бошқаруви асосларига ўргатиш ҳамда Ўзбекистон Республикасида татбиқ этилаётган лойиҳа бошқаруви тизимининг туб моҳиятини уларга етказишдир. Тренингни ўтказиш учун Бизнес ва бошқарув олий мактаби мутахассислари – Лойиҳа бошқаруви кафедраси мудири Б.Садриддинов ва кафедра доценти А.Ибрагимовлар таклиф этилди.

Тренинг доирасида иштирокчиларга лойиҳа бошқаруви тушунчаси ҳамда унинг ташкилот фаолиятини такомиллаштиришга қаратилган лойиҳаларни ишлаб чиқиш ва амалга оширишдаги аҳамиятига оид маълумотларни тақдим этилди.

Ўқув машғулотлари давомида Академия профессор-ўқитувчилар лойиҳа бошқарувининг асосий тушунчалари, лойиҳалар, дастурлар ва лойиҳалар портфелини  ишлаб чиқиш, шунингдек лойиҳа жамоаси ва унинг манфаатдор иштирокчилари билан ишлашни ташкил этишнинг ўзига хос хусусиятлари билан танишдилар.

Тренинг иштирокчилари томонидан таъкидланганидек, ўтказилган машғулотлар ходимлар иш фаолиятида беқиёс маҳсулот ҳисобланувчи лойиҳаларни ишлаб чиқишни самарали ташкил этиш, шунингдек жамоада ишлаш ва юзага келувчи масалалар юзасидан ўз вақтида қарорлар қабул қилиш кўникмаларини шакллантириш ва ривожлантиришга хизмат қилади.