Ҳудудларда ёшлар билан туркум учрашувлар ўтказилди

Ҳуқуқни муҳофаза қилиш академияси томонидан пойтахтимизда, шунингдек мамлакатимизнинг барча вилоятларида ёшлар билан тизимли ишлар олиб борилмоқда.

Айни кунларда ҳудудий прокуратура органлари билан ҳамкорликда мамлакатимизнинг барча ҳудудларида ёшлар билан учрашувлар ўтказилмоқда. Тадбирлар дастуридан мамлакатимизда ёшларга оид сиёсатни амалга ошириш, хусусан, ёшлар ташаббуслари ва лойиҳаларини қўллаб-қувватлаш, касбга ўргатиш, касбга йўналтириш ва қайта тайёрлашга кўмаклашиш, ҳуқуқий маданиятни юксалтириш, шунингдек қонунчиликда назарда тутилган ёшларнинг ҳаётда ўз ўрнини топиши ҳамда тадбиркорлик фаолиятини йўлга қўйишига қаратилган имтиёзлар тўғрисидаги хабардорлигини оширишга оид маълумотлар тақдимоти ўрин олган.

Шу билан бирга, ёшларда мавжуд муаммолар ўрганилиб, маҳаллий прокуратура органлари, ҳудудларни ижтимоий-иқтисодий ривожлантириш бўйича прокурор секторлари раҳбарлари кўмагида уларни ҳал этишга қаратилган амалий ишлар белгиланди.

Учрашувлар давомида ёшлар ўзларини қизиқтирган саволларга мутахассислардан аниқ жавоблар олдилар.

Шунингдек, футбол, теннис, шахмат, шашка ва бошқа спорт турлари бўйича туман (шаҳар) прокурори кубоги учун турнир мусобақаларига старт берилди.

Ёшлар билан бу каби тадбирлар мунтазам ўтказиб келинади.