Академия жамоаси киберспорт бўйича турнирда иштирок этди

Академия жамоаси “Dota 2” ҳамда “Counter Strike 2” каби киберспортнинг машҳур ўйинлари бўйича навбатдаги турнирда иштирок этиб, ўзининг ошиб бораётган маҳоратини намоён этди.

100 га яқин олий таълим муассасалари жамоалари иштирок этган турнирда, кучли рақобат муҳитида бизнинг жамоа ўз тажрибасига асосланиб ишлаб чиққан стратегияси ва тактикасини қўллади.

Киберспорт бўйича турнирларда иштирок этиш жамоа иштирокчиларига жамоада ишлаш, стратегик фикрлаш кўникмаларини  такомиллаштириш, диққатни жамлаш, шунингдек стрессни енгиш ва бўш вақтни ташкил этишда ижобий таъсир кўрсатади.

Академия талабалари жамоаси анъанавий спорт турлари билан бир қаторда киберспортда ўз маҳоратларини ошириб боришда давом этадилар.