Ўзбекистон Республикаси Ҳуқуқни муҳофаза қилиш академияси “Тергов фаолияти” йўналиши бўйича бакалавриати қабулига дастлабки танлов натижалари

Вазирлар Маҳкамасининг 2023 йил 6 апрелдаги 143-сон қарори билан тасдиқланган “Ўзбекистон Республикаси Ҳуқуқни муҳофаза қилиш академияси бакалавриатига ўқишга қабул қилиш ва ўқитишни ташкил этиш тартиби тўғрисида”ги Низомга (Низом) асосан дастлабки танловдан ўтган номзодлар тўғрисидаги маълумотлар эълон қилинади:

Ҳарбийлаштирилмаган йўналиш  бўйича 1-иловага мувофиқ;

Ҳарбийлаштирилган йўналиш бўйича 2-иловага мувофиқ.

Низомнинг 48-бандига асосан Академиянинг “тергов фаолияти” йўналишида махсус психологик танлов, ёзма имтиҳон ва тест синовларида иштирок этиш учун қуйидаги тартибда ва миқдорда тўлов ундирилади:

махсус психологик танлов ва ёзма имтиҳонда иштирок этиш учун барча талабгорлардан базавий ҳисоблаш миқдорининг ярим баравари миқдорида;

тест синовларида иштирок этиш учун тест синовлари ташкил этилаётган ўқув йилидан аввалги йилларда таълим муассасаларини тугатган номзодлардан (тўлиқ давлат таъминотидаги шахслар, «Ижтимоий ҳимоя ягона реестри» ахборот тизимида рўйхатга олинган шахслар ва уларнинг фарзандлари ҳамда «Ёшлар дафтари»га киритилган ёшлар бундан мустасно) базавий ҳисоблаш миқдорининг ярим баравари миқдорида.

Махсус психологик танлов, ёзма имтиҳон ва тест синовида иштирок этмаган талабгорларга тўлов қайтарилмайди.

Махсус психологик танлов ва ёзма имтиҳонда иштирок этиш учун тўлов 2024 йил 3 июнь кунигача қабул қилинади.

Тўлов бўйича инвойс номзоднинг шахсий кабинетида шаклантирилган (тўловни амалга оширилиши лозимлиги ҳақида смс юборилган).

Шунингдек, “Тергов фаолияти” йўналиши бўйича махсус психологик танлов ҳамда ёзма имтиҳон (диктант) жорий йилнинг 9 июнь куни Нукус шаҳри, Тошкент шаҳар ва вилоятлар марказларида ўтказилиши режалаштирилган.

Номзодлар тегишли тўловни жорий йил 3 июнга к,адар амалга ошириши лозим.

Имтиҳон ўтказиш вақти ва манзиллари ҳақида тўлиқ маълумотни Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг (www.uzbmb.uz/) махсус электрон платформаси, шунингдек, Ҳуқуқни муҳофаза қилиш академияси бакалавриатига кириш имтиҳонлари билан боғлиқ янгиликлар билан Академиянинг расмий веб-сайти (www.proacademy.uz) орқали танишиб боришингиз мумкин.

Илова 1: Ҳарбийлаштирилган

Илова 2: Ҳарбийлаштирилмаган