Лунд университети профессори билан учрашув

Академияга Лунд университетининг (Швеция) профессори Патрик Олссоннинг навбатдаги ташрифи бўлиб ўтди.

Академия раҳбарияти билан бўлиб ўтган учрашув чоғида томонлар ўзаро имзоланган меморандум доирасида ҳамкорликни давом эттириш масалаларини муҳокама қилдилар.

Учрашувда томонлар ҳуқуқий муаммоларни ўрганишда ҳуқуқ социологиясининг долзарблиги ва аҳамиятини инобатга олиб, мазкур мавзуга оид дарсликни ишлаб чиқишда ҳамкорлик қилиш масаласини келишиб олдилар.

Ташриф доирасида профессорга Академия томонидан амалга оширилаётган лойиҳалар тўғрисида маълуот берилиб, меҳмон Академиянинг янги биноси билан таништирилди.

Ташриф якунида томонлар икки томонлама ҳамкорликни янада мустаҳкамлашга тайёр эканликларини билдирдилар.