Жиноятчиликнинг олдини олиш фаолиятини методик таъминлаш тадбирлари давом этмоқда

Академия ишчи гуруҳи томонидан республикамиз ҳудудларида ҳуқуқни муҳофаза қилувчи органларнинг жиноятчилик ва ҳуқуқбузарликларнинг олдини олиш фаолиятини методик таъминлаш тадбирлари тизимли равишда ўтказиб келинмоқда.

Навбатдаги сайёр тадбирлар  Бухоро вилоятида ташкил этилиб, криминоген вазият аҳволи, жиноятчиликка қарши курашиш ва ҳуқуқбузарликлар профилактикаси бўйича амалга оширилаётган чора-тадбирлар бўйича ўрганишлар амалга оширилмоқда.

Академия мутахассислари томонидан Бухоро вилояти прокуратураси ходимлари билан биргаликда вилоят Ички ишлар бошқармасида ташкил этган тадбирда тергов, ҳуқуқбузарликлар профилактикаси, жиноят-қидирув, терроризмга қарши курашиш, жамоат тартиби сақлаш, пробация хизмати ва бошқа масъул тармоқлар фаолиятидаги муаммолар ўрганилиб, таҳлил қилинди ҳамда уларнинг ечимлари юзасидан тавсиялар ишлаб чиқилди.

Суҳбат жараёнида вилоят ИИБ масъул тармоқлари билан кримоноген вазиятни барқарорлаштиришга оид муаммолар муҳокама қилиниб, натижасига кўра ушбу соҳани такомиллаштиришга оид таклиф ва чора-тадбирлар ишлаб чиқилди.