Ҳуқуқни муҳофаза қилиш академиясида ёшлар ўртасида тадбиркорликни қўллаб-қувватлашга доир учрашув бўлиб ўтди

Ҳуқуқни муҳофаза қилиш академияси раҳбарияти билан БМТ Болалар жамғармаси (ЮНИСЕФ)нинг Ўзбекистондаги “Ю-Репорт” лойиҳаси вакиллари ўртасида Ўзбекистон ёшлари ўртасида тадбиркорликни йўлга қўйишни қўллаб-қувватлашга доир лойиҳа юзасидан учрашув бўлиб ўтди. Учрашув жараёнида “UPSHIFT” ижтимоий инновация ва ижтимоий тадбиркорлик дастурининг мақсадлари ва вазифалари хусусида фикр юритилди.

Ушбу дастур ёшларни тадбиркорликка қизиқтириш ва уларни иқтисодий жиҳатдан қўллаб-қувватлаш орқали тадбиркорлик фаолиятига йўналтиришга қаратилган дастур бўлиб, 14-ёшдан 24 ёшгача бўлган ёшларни қамраб олишга мўлжалланган.

Дастурда иштирок этадиган ёшлар жамоада ўзларини ҳаёт йўлларини ривожлантиришга доир қарорлар қабул қилиш ҳамда янги билим ва тажриба ортириш имкониятига эга бўлади.

Учрашув якунида Ҳуқуқни муҳофаза қилиш Академияси томонидан пойтахт туманларининг ёшлари учун тайёрланган махсус дастурлар асосида “Ватаннинг содиқ ёшлари” мавзусида ўтказилаётган ўқув машғулотларида иштирок этаётган ёшларни саралаган ҳолда ушбу дастурга жалб этиш юзасидан келишиб олинди.